ಕರ್ನಾಟಕ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿಚೊ ಅಧ್ಯಕ್ಷ್ ರೊಯ್ ಕ್ಯಾಸ್ತೆಲಿನೊ ಭಲಾಯ್ಕೆ ಮಂತ್ರಿ ಯು ಟಿ ಖಾದರ್ ಆನಿ ವಿಧಾನ್ ಪರಿಷತ್ ಸಾಂದೊ ಐವನ್ ಡಿಸೊಜಾ ಹಾಂಚ್ಯೆಸವೆಂ ರಾಜ್ಯಾಚೊ ಮುಕೇಲ್ ಮಂತ್ರಿ ಶ್ರೀ ಸಿದ್ದರಾಮಯ್ಯ ಹಾಕಾ ಆಗಸ್ಟ್ 26ವೆರ್ ಮೆಳುನ್ ಮಂಗ್ಳುರ್ ವಿಶ್ವ್ ವಿದ್ಯಾನಿಲಯಾಂತ್ ಸ್ಥಾಪನ್ ಕರುಂಕ್ ಯೆವ್ಜಿಲ್ಲ್ಯಾ ಕೊಂಕ್ಣಿ ಅಧ್ಯಯನ್ ಪೀಠಾಕ್ ದುಡ್ವಾ ಸಹಕಾರ್ ದೀಂವ್ಕ್ ಮನವಿ ದಿಲಿ.

ಸಾಂಗಾತಾ ಹಿ ಮನವಿ ಉಂಚ್ಲೊ ಶಿಕ್ಪಾ ಮಂತ್ರಿ ಆರ್ ವಿ ದೇಶಪಾಂಡೆ, ರಾನ್ ಆನಿ ಪರಿಸರ್ ಮಂತ್ರಿ ರಮಾನಾಥ್ ರೈ,   ಭಲಾಯ್ಕೆ ಮಂತ್ರಿ ಯು.ಟಿ. ಖಾದರ್, ನಗರಾಭಿವೃದ್ಧಿ ಮಂತ್ರಿ ವಿನಯಕುಮಾರ್ ಸೊರಕೆ, ಯುವಜಣ್ ಆನಿ ಖೆಳಾ ಮಂತ್ರಿ ಅಭಯಚಂದ್ರ ಜೈನ್, ಕನ್ನಡ ಆನಿ ಸಂಸ್ಕೃತಿ ಮಂತ್ರಿ ಶ್ರೀಮತಿ ಉಮಾಶ್ರೀ ತಶೆಂಚ್ ಶಾಸಕ್ ಜೆ ಆರ್ ಲೋಬೊ, ಮೊಯ್ದಿನ್ ಬಾವಾ, ಪ್ರಮೋದ್ ಮಧ್ವರಾಜ್ ಹಾಂಕಾಂಯ್ ದೀವ್ನ್ ಸಹಕಾರ್ ದೀಂವ್ಕ್ ಉಪ್ಕಾರ್ ಮಾಗ್ಲೊ.

ಮನವಿ ಸ್ವೀಕಾರ್ ಕೆಲ್ಲ್ಯಾ ಮುಖೆಲ್ ಮಂತ್ರಿನ್ ಹ್ಯಾ ವಿಶಿಂ ಗರ್ಜೆಚೆಂ ಕ್ರಮ್ ಘೆತಾ ಮ್ಹಣ್ ಭಾಸ್ ದಿಲಿ. ಪಂಗ್ಡಾಂತ್ ಅಕಾಡೆಮಿ ಸಾಂದೊ ಲೊರೆನ್ಸ್ ಡಿಸೊಜಾ, ಲುಲ್ಲುಸ್ ಕುಟಿನ್ಹಾ ಹಾಜರ್ ಆಸ್‌ಲ್ಲೆ.

 


ಹಾಚೆ ಆದಿಂ ಢೆಲ್ಲಿ ವಚುನ್ ಮಾನವ್ ಸಂಪನ್ಮೂಲ್ ಮಂತ್ರಿ ಸ್ಮೃತಿ ಇರಾನಿ, ಸಂಸ್ಕೃತಿ ಮಂತ್ರಿ ಶ್ರೀಪಾದ್ ನಾಯಕ್, ರೇಯ್ಲ್ ಮಂತ್ರಿ ಡಿವಿ ಸದಾನಂದ ಗೌಡ, ಸಂಸದ್ ನಳಿನ್ ಕುಮಾರ್ ಕಟೀಲ್, ವೀರಪ್ಪ ಮೋಯ್ಲಿ ಆನಿ ಆಸ್ಕರ್ ಫೆರ್ನಾಂಡಿಸ್ ಹಾಂಕಾಂಯ್ ಭೆಟುನ್ ಮನವಿ ದಿಲ್ಯಾ. ಸರ್ವಾಂನಿ ಸಕಾರಾತ್ಮಕ್ ಅಭಿಪ್ರಾಯ್ ದಿಲ್ಯಾ.
      
ಮಂಗ್ಳುರ್ ವಿವಿನ್ ಎದೊಳ್‌ಚ್ ಕನ್ನಡ ವಿಭಾಗ್ ಮುಕೇಸ್ತ್ ಶ್ರೀ ಶಿವರಾಮ್ ಶೆಟ್ಟಿ ಹಾಕಾ ಕೊಂಕ್ಣಿ ಅಧ್ಯಯನ್ ಪೀಠಾಚಿ ಪೂರ್ವ್ ತಯಾರಿ ಕರುಂಕ್ ನಮಿಯಾರ್ಲಾಂ.

ವಿವಿ ಹಂತಾರ್ ಕೊಂಕ್ಣಿ ಪೀಠ ಸ್ಥಾಪನ್ ಕೆಲೆಂ ತರ್ ಕೊಂಕ್ಣೆಚೆಂ ಉಂಚ್ಲೆಂ ಅಧ್ಯಯನ್, ಸಂಸೊಧ್, ಲೋಕ್‌ವೇದ್ ಅಧ್ಯಯನ್ ಆನಿ ದಾಖಲೀಕರಣ್, ಉಂಚ್ಲೆಂ ಶಿಕಪ್, ಪ್ರಬಂಧ್ ಮಂಡನ್, ಸಾಹಿತಿಕ್ ಕಾರ್ಯಾಗಾರಾಂ, ಡಾಕ್ಟರಲ್, ಪೋಸ್ಟ್ ಡಾಕ್ಟರಲ್ ಆನಿ ಫೆಲೋಶಿಪ್ ಕಾರ್ಯಿಂ, ಕೊಂಕ್ಣೆಂತ್ ಆನ್‌ಲೈನ್ ಪದ್ವಿ ಶಿಕಪ್ ಆನಿ ಕರೆಸ್ಪಾಂಡೆಂಟ್ ಶಿಕಪ್ ಸುರು ಕರ್ಯೆತಾ. ಕೆ.ಜಿ. ಥಾವ್ನ್ ಪಿ.ಜಿ. ಪರ್ಯಾಂತ್ ಸರ್ವ್ ಹಂತಾಂಚೆಂ ಕೊಂಕ್ಣಿ ಶಿಕಪ್ ವ್ಯವಸ್ಥಿತ್ ರಿತಿನ್ ಮಾಂಡುನ್ ಹಾಡ್ನ್, ಶಿಕ್ಪಾ ಸಂಬಂಧಿತ್ ಗರ್ಜೆಚಿ ಸರ್ವ್ ಸಾಹೆತ್ ಆನಿ ಮಾಹೆತ್ ತಯಾರ್ ಕರ್ಯೆತಾ.

 

Add comment


Security code
Refresh

Latest News

Home | About | Sitemap | Contact

Copyright ©2014 www.konkaniacademy.org. Powered by eCreators

Contact Us

Karnataka Konkani Sahitya Academy
Department of Kannada and Culture, Govt. of Karnataka
City Corporation Building, Lalbagh
Mangalore - 575003, Karnataka State
Tele/Fax: 0824-2453167
Email: [email protected]
[email protected]