Print

Nov 06, 2016: ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿ ಆನಿ ಪ್ರೈಮ್ ಸಹೇಲಿ ಗ್ರೂಪ್ ಗೋವಾ ಹಾಂಚ್ಯಾ ಜೋಡ್ ಆಸ್ರ್ಯಾ ಖಾಲ್ 06.11.16 ವೆರ್ `ಕೊಂಕಣಿ ಸಮ್ಮಿಲನ್'' - ಕೊಂಕಣಿ ಸಾಹಿತ್ಯ್ ಆನಿ ಸಂಸ್ಕೃತಿಚೆಂ ಸಹಮಿಲನ್ ಚಲ್ಲೆಂ. ಗೊಂಯ್ ಪಣಜಿಂತ್ ಆಸ್ಚ್ಯಾ ಮಿನೇಜಸ್ ಬ್ರಾಗಾಂಜಾ ಸಭಾಂಗ್ಣಾಂತ್ ಚಲ್‌ಲ್ಲ್ಯಾ ಹ್ಯಾ ಕಾರ್ಯಾಚೆಂ ಉದ್ಘಾಟನ್ ಪಣಜಿ ಶಾಸಕ್ ಸಿದ್ಧಾರ್ಥ ಕುಂಕಳಿಕಾರ್ ಹಾಣೆ ದಿವೊ ಪೆಟೊವ್ನ್ ಕೆಲೆಂ ಆನಿ ಕಾರ್ಯಾಕ್ ಬರೆಂ ಮಾಗ್ಲೆಂ.

 

 

 

 

 

ಅಕಾಡೆಮಿ ಅಧ್ಯಕ್ಷ್ ರೊಯ್ ಕ್ಯಾಸ್ತೆಲಿನೊನ್ ಕರ್ನಾಟಕಾಂತ್ ಅಕಾಡೆಮಿ ಥಾವ್ನ್ ಚಲ್ಚ್ಯಾ ವಾವ್ರಾಚಿ ವಳಕ್ ಕರುನ್ ದಿಲಿ. ಲೋಕ್‌ವೇದ್ ಸಂಸೋಧಕಿ ಡಾ ಜಯಂತಿ ನಾಯ್ಕ್, ಗೊಂಯ್ ಆನಿ ಡಾ ವಿನ್ಸೆಂಟ್ ಆಲ್ವಾ, ಉಡುಪಿ ಹಾಣಿ ಕೊಂಕ್ಣಿ ಸಂಸ್ಕೃತಿ ಆನಿ ಕೊಂಕ್ಣಿ ಭಾಸ್ ಹ್ಯಾ ಗಜಾಲಿಂಚೆರ್ ಆಪಾಪ್ಲೆ ವಿಚಾರ್ ಸಾದರ್ ಕೆಲೆ.

 

 

 

 

 

ಮಾನಾಚೆ ಸಯ್ರೆ ಶ್ರೀ ಗುರುನಾಥ ಪೈ, ಪ್ರೈಮ್ ಟಿವಿ ಮುಖೆಲಿ ಸಂದೀಪ್ ಕೇರ್‍ಕರ್ ಆನಿ ಲತಾ ಪಾರೇಖ್, ಅಕಾಡೆಮಿ ರಿಜಿಸ್ಟ್ರಾರ್ ಡಾ ಬಿ ದೇವದಾಸ ಪೈ ವೆದಿರ್ ಹಾಜರ್ ಆಸ್‌ಲ್ಲಿಂ.

ಉಪ್ರಾಂತ್ ಕರ್ನಾಟಕಾ ಥಾವ್ನ್ ಕುಡುಮಿ ಆನಿ ಸಿದ್ದಿ ಪಂಗ್ಡಾಂಚೆಂ ಕಲಾ ಪ್ರದರ್ಶನ್ ತಶೆಂ ಗೊಂಯ್ಚ್ಯಾ ಪಂಗ್ಡಾ ಥಾವ್ನ್ ಸ್ವಾಗತ್ ನಾಚ್, ಭರತ ನಾಟ್ಯಮ್ ಆನಿ ಶಿಗ್ಮೊ ಸಾದರ್ ಜಾಲೊ.

 

 

 

 

ಮಾನಸಿ ಹಿಣೆ ವೆದಿ ಕಾರ್ಯೆಂ ಆನಿ ವಿತೊರಿ ಕಾರ್ಕಳ್ ಹಾಣೆಂ ಸಾಂಸ್ಕೃತಿಕ್ ಕಾರ್ಯೆಂ ಸಾಂಬಾಳ್ಳೆಂ. ಲಾರೆನ್ಸ್ ಡಿಸೋಜ ಆನಿ ಮ್ಯಾಲ್ಕಮ್ ಡೆಸಾ  ಹಾಣಿ ಆಧಾರ್ ದಿಲ್ಲೊ.

ತಸ್ವಿರ್ಯೊ : ಸ್ಟ್ಯಾನಿ ಬಂಟ್ವಾಳ್