ಕೊಂಕ್ಣಿ ಅಕಾಡೆಮಿಚಿ ಪತ್ರಿಕಾ ಗೋಷ್ಟಿ

ಆಜ್ 7-12-2015 ವೆರ್ ಕರ್ನಾಟಕ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿನ್ ಆಪ್ಲ್ಯಾ ವಾವ್ರಾ ವಿಶ್ಯಾಂತ್ ಮಾಹೆತ್ ದೀಂವ್ಕ್ ಮಂಗ್ಳುರ್ಚ್ಯಾ ಪ್ರೆಸ್ ಕ್ಲಬ್ ಹಾಂಗಾ ಪತ್ರಿಕಾ ಗೋಷ್ಟಿ ಆಪಯಿಲ್ಲಿ. ಅಧ್ಯಕ್ಷ್ ರೊಯ್ ಕ್ಯಾಸ್ತೆಲಿನೊನ್ ವಿವರ್ ದಿಲೊ. ಹ್ಯಾ ವೆಳಿಂ ಗಿರಿಜನ ಅಭಿವೃದ್ಧಿ ಘಟಕ ಯೆವ್ಣೆಂತ್ ತಯಾರ್ ಕೆಲ್ಲಿ ಸಿದ್ದಿ ಕಲಾವಿದೆ ಸಾಕ್ಷ್ಯ ಚಿತ್ರ ಸಿಡಿ ಆನಿ ಕೊಂಕ್ಣಿ ಕ್ಯಾಲೆಂಡರ್ 2016 ಹಾಂಚ್ಯೆ ವಿಶ್ಯಾಂತ್ ವಿವರ್ ದೀವ್ನ್ ಮೆಕ್ಳಿಕ್ ಕೆಲೆಂ. ತಶೆಂಚ್ ದಶೆಂಬ್ರ್ 09 ವೆರ್ ಕಾರವಾರಾಂತ್ ಲೊಕಾರ್ಪಣ್ ಜಾಂವ್ಚ್ಯಾ ಕೊಂಕ್ಣಿ ಭಾಸ್ (ವ್ಯಾಕರಣ್) - ಫಾದರ್ ವಾಲೆರಿಯನ್ ಫೆರ್ನಾಂದ್ ಆನಿ ಅನಾಮಿಕಾ - ಭಕ್ತಾ ಆರ್ ಕಾಞಂಗಾಡ್ ಹ್ಯಾ ಬುಕಾಂಚಿ ಮಾಹೆತ್ ದಿಲಿ.

ತಶೆಂಚ್ ಉತ್ತರ್ ಕನ್ನಡಾಂತ್ ಶಾಳಾಂನಿ ಕೊಂಕ್ಣಿ ಯೆವ್ಜಣ್ ವಿಸ್ತಾರಾಂವ್ಚ್ಯೆ ವಿಶ್ಯಾಂತ್ ಕರುಂಕ್ ಆಸ್ಚ್ಯಾ ವಾವ್ರಾಚಿ ಮಾಹೆತ್ ದಿಲಿ.